ហ្គោលវែលចូលរួមពិធីជប់លៀងគម្រប់ខួប ១ឆ្នាំ របស់ក្រុមហ៊ុន New World Financial Group និងធ្វើការចែករំលែកឱកាសនៃការវិនិយោគឧបករណ៍និស្សន្ទ
- 2020-01-09
នៅល្ងាចថ្ងៃទី ៩ ខែមករា ឆ្នាំ ២០២០ ពិធីជប់លៀងគម្រប់ខួប ១ឆ្នាំ របស់ក្រុមហ៊ុន New World Financial Group ត្រូវបានរៀបចំឡើងយ៉ាងឱឡារិកនៅទីក្រុងយ៉ាំងហ្គោន ប្រទេសមីយ៉ាន់ម៉ា។ ក្នុងនាមជាក្រុមហ៊ុនដៃគូសហការមួយរូប ក្រុមហ៊ុនហ្គោលវ៉លវែលត្រូវបានអញ្ជើញឲ្យចូលរួមកម្មវិធី និងធ្វើការចែករំលែកនូវបទពិសោធន៍ និងទស្សនៈក្នុងវិស័យជួញដូរឧបករណ៍និស្សន្ទ។
មន្រ្តីតំណាងរដ្ឋាភិបាល និងថ្នាក់ដឹកនាំក្នុងវិស័យជាច្រើនរូបក៏ត្រូវបានអញ្ជើញឲ្យចូលរួមក្នុងកម្មវិធីនេះផងដែរ។ សមាជិកនៃគណៈកម្មការមូលបត្រមីយ៉ាន់ម៉ា (Securities and Exchange Commission of Myanmar) បានផ្តល់វត្តមាន និងការគាំទ្រដល់ការអភិវឌ្ឍវិស័យហិរញ្ញវត្ថុរបស់មីយ៉ាន់ម៉ា ក្នុងនាមរដ្ឋាភិបាល។ លោក Min Htike Aung ប្រធានក្រុមប្រឹក្សាភិបាលនៃក្រុមហ៊ុន New World Financial Group និង លោកស្រី Thin Thin Khine ដែលជាភរិយា និងជាអភិបាលនៃក្រុមហ៊ុន New World Financial Group បានថ្លែងអំណរគុណយ៉ាងជ្រាលជ្រៅដល់វត្តមានរបស់ភ្ញៀវកិត្តិយសទាំងអស់ ហើយសង្ឃឹមថានឹងមានរាត្រីដ៏អស្ចារ្យមួយជាមួយគ្នា។ ក្នុងពិធីជប់លៀងនោះ មានការចែករំលែកនូវបទពិសោធន៍និងជំនាញផ្ទាល់ខ្លួន ហើយក៏មានចម្រៀងដ៏ពិរោះរបស់អ្នកចំរៀងល្បីជនជាតិភូមា ដែលបាននាំមកនូវភាពសប្បាយរីករាយដល់អ្នកចូលរួមទាំងអស់។ លើសពីនេះ ការចាប់រង្វាន់ក៏បានញ៉ាំងឲ្យបរិយាកាសកម្មវិធីកាន់តែមានភាពរំភើប និងសប្បាយរីករាយឥតឧបមា។
លោក George Black ប្រធានទីប្រឹក្សាវិនិយោគនៃក្រុមហ៊ុនហ្គោលវែលបានថ្លែងសុន្ទរកថាដ៏រំជើបរំជួលមួយ ដោយលោកបានបង្ហាញពីក្តីស្រឡាញ់របស់ខ្លួនចំពោះប្រទេសមីយ៉ាន់ម៉ា ហើយសង្ឃឹមថាអាចអភិវឌ្ឍអាជីវកម្មលើវិស័យជួញដូរឧបករណ៍និស្សន្ទនៅទីនេះ និងចូលរួមចំណែកក្នុងការអភិវឌ្ឍទីផ្សារហិរញ្ញវត្ថុរបស់ប្រទេសទាំងមូល។ ជាមួយគ្នានេះដែរ លោក George បានសង្កត់ធ្ងន់នៅក្នុងសុន្ទរកថារបស់លោកថា វិស័យនីមួយៗត្រូវការប្រព័ន្ធច្បាប់ដែលមានសមភាព យុត្តិធម៌ និងតម្លាភាព ដើម្បីជាការរឹងបន្តឹង និងជាការគាំទ្រក្នុងវិស័យនោះ ចំណែកឯវិស័យជួញដូរឧបករណ៍និស្សន្ទក៏ដូចគ្នាផងដែរ មានតែទីផ្សារដែលមានលក្ខណៈសម្បត្តិបែបនេះទេទើបអាចធ្វើឲ្យមហាជនមានជំនឿជាក់ទៅលើទីផ្សារបាន ហើយការអភិវឌ្ឍទីផ្សារនឹងកាន់តែមានសន្ទុះខ្លាំង និងមានភាពពេញលេញ។ ក្នុងនាមជាក្រុមហ៊ុនឈ្មួញជើងសាឧបករណ៍និស្សន្ទដែលមានអាជ្ញាប័ណ្ណស្របច្បាប់ ក្រុមហ៊ុនហ្គោលវែលតែងប្រកាន់ខ្ជាប់នូវទស្សនៈនេះ ព្រមទាំងបានបន្តផ្សព្វផ្សាយទស្សនៈនេះទៅគ្រប់តំបន់ទូទាំងពិភពលោក។ ច្បាប់បញ្ញត្តិ គឺជានិមិត្តរូប និងជាតំណាងឲ្យភាពខ្លាំង និងទំនុកចិត្ត។
ទន្ទឹមនឹងនេះ លោក Naoto Arase នាយកផ្នែកបច្ចេកវិទ្យាហិរញ្ញវត្ថុនៃក្រុមហ៊ុនហ្គោលវែល បានធ្វើការណែនាំវិស័យជួញដូរឧបករណ៍និស្សន្ទដោយឈរលើទស្សនៈបច្ចេកទេស។ នៅប្រទេសជប៉ុន ប្រព័ន្ធជួញដូរស្វ័យប្រវត្តិ (Artificial Intelligence) ត្រូវបានប្រើប្រាស់យ៉ាងទូលំទូលាយ ហើយវិស័យជួញដូរឧបករណ៍និស្សន្ទក៏បានបញ្ចូល AI ទៅក្នុងប្រព័ន្ធជួញដូរផងដែរ ដោយធ្វើការជួញដូរជំនួសប្រតិបត្តិការដោយដៃ ដើម្បីផ្តល់នូវភាពងាយស្រួលដល់វិនិយោគិនក្នុងការដាក់បញ្ជាទិញ។ ការចែករំលែកនេះបានទទួលការចាប់អារម្មណ៍យ៉ាងខ្លាំងពីសំណាក់ភ្ញៀវកិត្តិយសក្នុងរាត្រីនោះ។ បច្ចេកវិទ្យាជឿនលឿនឥតឈប់ឈរ ហើយវិស័យជួញដូរឧបករណ៍និស្សន្ទក៏កំពុងត្រូវបានរួមបញ្ចូលគ្នាជាមួយនឹងបច្ចេកវិទ្យាថ្មីៗផងដែរ។ យើងជឿជាក់ថា ទីផ្សារមីយ៉ាន់ម៉ានឹងកាន់តែរីកចម្រើននាពេលអនាគត។
ក្នុងនាមជាក្រុមហ៊ុនខ្នាតអន្តរជាតិ ក្រុមហ៊ុនហ្គោលវែលប្តេជ្ញាចិត្តក្នុងការលើកកម្ពស់ការអភិវឌ្ឍវិស័យជួញដូរឧបករណ៍និស្សន្ទ ដោយចាប់ផ្តើមពីប្រទេសកម្ពុជា ឥណ្ឌូនេស៊ី Cyprus ទីក្រុងឡុង ប្រទេសក្នុងតំបន់អឺរ៉ុបខាងកើត ទៅកាន់មីយ៉ាន់ម៉ា។ ក្រុមហ៊ុនហ្គោលវែលនឹងបន្តពង្រីកវិសាលភាពអាជីវកម្មរបស់ខ្លួននៅទូទាំងពិភពលោក និងចូលរួមចំណែកក្នុងការអភិវឌ្ឍវិស័យជួញដូរឧបករណ៍និស្សន្ទ ជាមួយនឹងវិនិយោគិនទាំងអស់។