ក្នុងនាមជាឧបករណ៍និស្សន្ទមួយប្រភេទ កិច្ចសន្យាលើគម្លាតថ្លៃ ( CFD) គឺជាកិច្ចព្រមព្រៀងរវាងភាគីពីរ (ជាទូទៅហៅថា “អ្នកទិញ” និង “អ្នកលក់”) ហើយតម្លៃរបស់កិច្ចសន្យានោះពឹងផ្អែកលើទ្រព្យដែលពាក់ព័ន្ធ ដូចជាសន្ទស្សន៍ភាគហ៊ុន និងទំនិញសកល។ នៅពេលបញ្ចប់កិច្ចសន្យា ឬបញ្ចប់ប្រតិបត្តិការ បើថ្លៃកើនឡើងនោះអ្នកលក់ត្រូវបង់គម្លាតថ្លៃរវាងពេលបើកប្រតិបត្តិការ និងពេលបិទប្រតិបត្តិការ ទៅកាន់អ្នកទិញ និងត្រូវអនុវត្តផ្ទុយគ្នា ប្រសិនបើថ្លៃចុះថយ។ ការទទួលបានប្រាក់ចំណេញតាមរយៈការផ្លាស់ប្តូរទិសដៅនៃចលនាតម្លៃរបស់ CFD គឺដូចគ្នានឹងការផ្លាស់ប្តូរតម្លៃទ្រព្យជាក់ស្តែងដែរ ប៉ុន្តែ CFD កាន់តែមានភាពបត់បែន និងងាយស្រួលជាង។ ការជួញដូរ CFDs មានគុណសម្បត្តិច្រើនជាងការជួញដូរទ្រព្យជាក់ស្តែង។