ក្រុមហ៊ុនហ្គោលវែលឧបត្ថម្ភសម្ភារពេទ្យជួយគាំទ្រទីក្រុងអ៊ូហាន!
- 2020-03-27
រួមចិត្តរួមកម្លាំង ដើម្បីជំនះឧបសគ្គ
ក្រុមហ៊ុនហ្គោលវែលឧបត្ថម្ភសម្ភារពេទ្យជួយគាំទ្រទីក្រុងអ៊ូហាន!
ចាប់តាំងពីការផ្ទុះឡើងនៃជំងឺកូវិដ-១៩មក ក្រុមហ៊ុនហ្គោលវែលតែងយកចិត្តទុកដាក់ខ្ពស់ក្នុងការប្រយុទ្ធប្រឆាំងនឹងការរីករាលដាលនៃជំងឺនេះ ហើយបានអនុវត្តសកម្មភាពជាច្រើនដើម្បីផ្តល់ក្តីស្រឡាញ់ និងកម្លាំងចិត្តជូនដល់វីវជនជួរមុខ។ “សារមួយច្បាប់សម្រាប់និទាឃរដូវ” បានប្រមូលផ្តុំនូវភាសានិងពាក្យជូនពរពីបណ្តាប្រទេសជាច្រើនលើពិភពលោក ដើម្បីផ្ញើការគាំទ្រ និងការលើកទឹកចិត្តផ្នែកស្មារតីដល់ប្រជាជនក្នុងទីក្រុងអ៊ូហាន។ ទន្ទឹមនឹងនេះ ក្រុមហ៊ុនហ្គោលវែលក៏បានចូលរួមយ៉ាងសកម្មក្នុងការផ្គត់ផ្គង់សំភារៈ និងប្រើប្រាស់សកម្មភាពជាក់ស្តែងរបស់ខ្លួន ដើម្បីផ្តល់ការធានាជូនដល់វីរជនជួរមុខទាំងអស់។
ក្នុងអំឡុងពេលនេះ ក្រុមហ៊ុនហ្គោលវែលបានប្រមូលទិញ និងឧបត្ថម្ភម៉ាសសរុបចំនួន ១៥០០០ ម៉ាស ដើម្បីដឹកជញ្ជូនទៅកាន់ទីក្រុងអ៊ូហាន ជាមួយក្តីស្រឡាញ់។ ម៉ាសទាំងនោះត្រូវបានបញ្ជូនទៅកាន់មន្ទីរពេទ្យ Hubei Jingzhou Central Hospital និងមន្ទីរពេទ្យ Hubei Cancer Hospital ដើម្បីផ្តល់ជូនបុគ្គលិកពេទ្យជួរមុខប្រើប្រាស់។ លោក ជា ពន្លក នាយកប្រតិបត្តិនៃក្រុមហ៊ុនហ្គោលវែល និងលោក George Black ប្រធានទីប្រឹក្សាហិរញ្ញវត្ថុបានធ្វើការត្រួតពិនិត្យដោយផ្ទាល់នូវគុណភាព និងការដឹកជញ្ជូនម៉ាសទាំងនេះ ដើម្បីធានាថាម៉ាសនីមួយៗមានការធានាលើគុណភាព និងដឹកជញ្ជូនទៅកាន់គោលដៅដោយជោគជ័យ ព្រមទាំងត្រូវបានប្រើប្រាស់នៅជួរមុខប្រកបដោយសុវត្ថិភាព។
មេរោគគ្មានមេត្តា តែមនុស្សមានក្តីស្រឡាញ់។ សម្ភារពេទ្យ ជាកត្តាចម្បងក្នុងការប្រយុទ្ធប្រឆាំងនឹងការរីករាលដាលនេះ ដូចនេះដើម្បីធានាថារាល់សម្ភារទាំងអស់ត្រូវបានបញ្ជូនទៅកាន់បុគ្គលិកប្រយុទ្ធប្រឆាំងនឹងការរាតត្បាតជួរមុខដោយសុវត្ថិភាពនិងមានប្រសិទ្ធភាពនោះ ក្រុមហ៊ុនហ្គោលវែលតែងអំពាវនាវស្វែងរកការគាំទ្រធ្វើយ៉ាងណាឲ្យសម្ភារទាំងអស់ទៅកាន់គោលដៅដោយសុវត្ថិភាព។ យើងខ្ញុំសូមថ្លែងអំណរគុណយ៉ាងជ្រាលជ្រៅចំពោះមិត្តរួមការងារ និងដៃគូសហការទាំងអស់ដែលបានចូលរួមជួយឧបត្ថម្ភសម្ភារពេទ្យទាំងនេះ។ ការដឹកជញ្ជូនពីតំបន់មួយទៅកាន់តំបន់មួយពោរពេញទៅដោយការលំបាក និងឧបសគ្គយ៉ាងច្រើន ដែលទាំងនេះសុទ្ធតែឆ្លុះបញ្ចាំងពីទំនួលខុសត្រូវនិងការលះបង់របស់យើងគ្រប់គ្នា។ ទំនួលខុសត្រូវ និងកម្លាំងសាមគ្គី បង្កើតបានជាក្តីសង្ឃឹម។ យើងរួមគ្នាតស៊ូ និងគាំទ្រដល់ទីក្រុងងអ៊ូហាន និងប្រទេសចិន។
ចាប់ពីផ្ទៃក្នុងក្រុមហ៊ុន រហូតដល់ខ្សែប្រយុទ្ធជួរមុខនៃជម្ងឺរាតត្បាតនេះ ក្រុមហ៊ុនហ្គោលវែលបានប្រកាន់ខ្ជាប់នូវស្មារតីទំនួលខុសត្រូវសង្គមជានិច្ច ដោយប្រើប្រាស់នូវកម្លាំងផ្ទាល់ខ្លួនដើម្បីជួយគាំទ្រដល់ការប្រយុទ្ធប្រឆាំងនឹងការរីករាលដាលនៃជំងឺនេះ។ ចម្ងាយ មិនមែនជាឧបសគ្គទេ ក្រុមហ៊ុនហ្គោលវែលនឹងបន្ត ស្មារតីទំនួលខុសត្រូវសង្គមនេះ ដោយចូលរួមនូវកម្លាំងកាយចិត្តរបស់ខ្លួន ហើយសង្ឃឹមថាពិភពលោកទាំងមូលនឹងទទួលបានសុខសន្តិភាពឡើងវិញ។
ជាមួយក្តីស្រឡាញ់ និងភាពកក់ក្តៅ យើងគាំទ្រប្រទេសចិន! គាំទ្រពិភពលោក!