ហ្គោលវែលចូលរួម “កិច្ចប្រជុំកំពូលហិរញ្ញវត្ថុឆ្នាំ ២០២០” នៅមីយ៉ាន់ម៉ា ដើម្បីពិភាក្សាពីទស្សនវិស័យសម្រាប់ទីផ្សារហិរញ្ញវត្ថុនៅឆ្នាំ ២០២០
- 2020-03-07
នៅថ្ងៃទី ៧ ខែមីនា ឆ្នាំ ២០២០ ក្រុមហ៊ុនហ្គោលវែលត្រូវបានអញ្ជើញឲ្យចូលរួម “កិច្ចប្រជុំកំពូលហិរញ្ញវត្ថុឆ្នាំ ២០២០” ដោយក្រុមហ៊ុន New World Financial Group និងជាវាគ្មិនកិត្តិយសក្នុងកិច្ចប្រជុំពិភាក្សាជាក្រុមផងដែរ។ កិច្ចប្រជុំកំពូលនេះត្រូវបានរៀបចំឡើងនៅសណ្ខាគារ Rosewood ទីក្រុង Yangon ប្រទេសមីយ៉ាន់ម៉ា ដោយបានទាក់ទាញថ្នាក់ដឹកនាំក្នុងវិស័យពាណិជ្ជកម្ម និងអ្នកជំនាញហិរញ្ញវត្ថុអន្តរជាតិជាង ២០០ នាក់ មកពីទូទាំងពិភពលោក ដើម្បីចូលរួមចែករំលែកការយល់ដឹង និងការវិភាគរបស់ខ្លួនលើស្ថានភាពអភិវឌ្ឍន៍ហិរញ្ញវត្ថុពិភពលោក។
ក្នុងឱកាសបើកកិច្ចប្រជុំកំពូលនេះ លោក U Min Htike Aung អគ្គនាយកក្រុមហ៊ុនNew World Financial Group បានឡើងថ្លែងសុន្ទរកថាថា ខ្ញុំមានសេចក្តីសោមនស្សរីករាយ និងកិត្តិយសយ៉ាងខ្លាំងដែលបានធ្វើជាម្ចាស់ផ្ទះនៃការរៀបចំកិច្ចប្រជុំកំពូលនេះ ដោយនេះមិនត្រឹមតែជាឱកាសដែលញ៉ាំងឲ្យអ្នកជំនាញក្នុងវិស័យហិរញ្ញវត្ថុធ្វើការផ្លាស់ប្តូរយោបល់គ្នាប៉ុណ្ណោះទេ ថែមទាំងជាឱកាសដែលនាំយកមកនូវព័ត៌មានទីផ្សារថ្មី និងឱកាសវិនិយោគសម្រាប់វិនិយោគិនទាំងអស់ផងដែរ។ បន្ទាប់មក លោក George Black ប្រធានទីប្រឹក្សាហិរញ្ញវត្ថុនៃក្រុមហ៊ុនហ្គោលវែល រួមជាមួយអគ្គនាយកក្រុមហ៊ុនNew World Financial Group អភិបាលក្រុមហ៊ុន ខេមបូឌាន ដេរីវ៉េទីវ អ៊ិចឆេង នាយកប្រតិបត្តិជាន់ខ្ពស់នៃក្រុមហ៊ុន First Bin Zayed Gold និងអ្នកជំនាញកំពូលៗជាច្រើនរូបទៀត បានធ្វើការពិភាក្សាយ៉ាងរស់រវើកលើប្រធានបទ “ទស្សនវិស័យទីផ្សារ ២០២០” ។ ជាកិច្ចចាប់ផ្តើម លោក George Black បានចែករំលែកការព្យាករណ៍ និងការវិភាគប្រកបដោយវិជ្ជាជីវៈ ចំពោះការធ្លាក់ចុះរបស់ផ្សារហ៊ុនអាមេរិក និងការកើនឡើងនៃតម្លៃមាសក្នុងពេលថ្មីៗនេះ ។ អ្នកចូលរួមទាំងអស់បានយល់ស្របនឹងមតិរបស់លោក ព្រមទាំងទទួលបានអត្ថប្រយោជន៍យ៉ាងច្រើនផងដែរ។ ទន្ទឹមនឹងនេះ លោកក៏បានលើកឡើងផងដែរថា ទីផ្សារមីយ៉ាន់ម៉ាមានសក្តានុពលអភិវឌ្ឍន៍យ៉ាងខ្លាំង។ ក្នុងឆ្នាំ ២០២០ ប្រទេសមីយ៉ាន់ម៉ានឹងបន្តបង្ហាញពីសក្តានុពលវិនិយោគដ៏ប្រសើរបំផុតទៅកាន់ពិភពលោកទាំងមូល ដែលជាឱកាសសម្រាប់វិនិយោគិនក្លាយជាអ្នកមាន។
ក្នុងនាមជាក្រុមហ៊ុននាំមុខគេក្នុងវិស័យហិរញ្ញវត្ថុ ក្រុមហ៊ុនហ្គោលវែលបានធ្វើដំណើរទៅកាន់ប្រទេសមីយ៉ាន់ម៉ាជាច្រើនលើក ដើម្បីរៀបចំសិក្ខាសាលាអប់រំហិរញ្ញវត្ថុ ជាមួយស្ថាប័នរដ្ឋ និងស្ថាប័នហិរញ្ញវត្ថុក្នុងស្រុក ក្នុងគោលបំណងផ្សព្វផ្សាយពីទស្សនៈ និងចំណេះដឹងវិនិយោគជូនដល់វិនិយោគិន និងលើកកម្ពស់ចំណេះដឹង និងការយល់ដឹងរបស់ប្រជាជនក្នុងតំបន់ពាក់ព័ន្ធនឹងការជួញដូរឧបករណ៍និស្សន្ទ ក៏ដូចជាបទពិសោធន៍នៃការវិនិយោគលក្ខណៈអន្តរជាតិជូនដល់វិនិយោគិនមីយ៉ាន់ម៉ាផងដែរ។ ក្នុងគោលបំណងរួមគ្នាបង្កើនប្រសិទ្ធភាពនិងធ្វើឲ្យប្រសើរឡើងនូវការត្រួតពិនិត្យ និងគោលនយោបាយនៃប្រព័ន្ធវិនិយោគហិរញ្ញវត្ថុនៅមីយ៉ាន់ម៉ាតាមរយៈការផ្លាស់ប្តូរ និងសហប្រតិបត្តិការអន្តរជាតិ ក្រុមហ៊ុននឹងបន្តខិតខំបង្កើតទីផ្សារជួញដូរហិរញ្ញវត្ថុប្រកបដោយភាពជំនាញ ស្ថិរភាព និងច្នៃប្រឌិតជូនដល់វិនិយោគិនគ្រប់រូប។