“សារមួយច្បាប់សម្រាប់និទាឃរដូវ – ទីក្រុងអ៊ូហានតស៊ូ! ប្រទេសចិនតស៊ូ!”
- 2020-03-11
ចាប់តាំងពីការផ្ទុះឡើងនៃជំងឺកូវិដ-១៩មក ពិភពលោកទាំងមូលមានការចាប់អារម្មណ៍យ៉ាងខ្លាំង ហើយគ្រប់ស្រទាប់វណ្ណៈសង្គមបានឆ្លើយតបទៅនឹងការអំពាវនាវយ៉ាងកក្រឹកកក្រែង ដោយតំបន់មួយជួបការលំបាក គ្រប់ភាគីផ្តល់ការគាំទ្រ ដោយគ្រប់គ្នាបានប្រើប្រាស់កម្លាំងផ្ទាល់ខ្លួនដើម្បីផ្តល់ភាពកក់ក្តៅនិងការគាំទ្រដល់វីវជនជួរមុខគ្រប់គ្នា។ ក្រុមហ៊ុនហ្គោលវែលបានផ្តួចផ្តើមកម្មវិធីពិសេសមួយ “សារមួយច្បាប់សម្រាប់និទាឃរដូវ – ទីក្រុងអ៊ូហានតស៊ូ! ប្រទេសចិនតស៊ូ!” ដោយផ្ញើកាតជូនពរ រួមជាមួយនឹងសេចក្តីស្រឡាញ់ ជូនដល់បុគ្គលិក អតិថិជន ក្រុមហ៊ុនក្នុងវិស័យតែមួយ និងមិត្តភក្តិមកពីគ្រប់មជ្ឈដ្ឋាន ដើម្បីលើកទឹកចិត្តឲ្យគ្រប់គ្នាចូលរួមជាមួយគ្នា។ ជាមួយនឹងភាពច្នៃប្រឌិតផ្សេងៗ ខ្ញុំសង្ឃឹមថាអ្នកគ្រប់គ្នាអាចចូលរួមយ៉ាងសកម្មនិងអញ្ជើញក្រុមគ្រួសារនិងមិត្តភក្តិនៅជុំវិញចូលរួមទាំងអស់គ្នាផងដែរ។ តាមរយៈសកម្មភាពនេះ យើងប្រមូលបានប័ណ្ណជូនពរជាច្រើនពីប្រទេសកម្ពុជា សហរដ្ឋអាមេរិក ជប៉ុន ហ្វីលីពីន វៀតណាម ឥណ្ឌូនេស៊ី ចិន ហុងកុង តៃវ៉ាន់ និងបណ្តាប្រទេសនិងតំបន់ផ្សេងទៀត ដែលគ្រប់គ្នាបានបង្ហាញក្តីស្រឡាញ់ និងភាពស្មោះត្រង់របស់ខ្លួនជាមួយនឹងរូបភាពនិងអត្ថបទផ្សេងៗ។ ទោះយើងមានភាសាខុសគ្នា តែយើងមានចេតនាដូចគ្នា។ ទោះយើងមានសញ្ជាតិខុសគ្នា តែយើងមានក្តីស្រឡាញ់ដូចគ្នា។ នៅចំពោះមុខវិបត្តិដ៏ធំធេងនេះ ចិត្តស្មោះនិងអំពើល្អរបស់មនុស្សនឹងជំនះនូវរាល់ឧបសគ្គទាំងអស់ ប្រៀបដូចជាការកសាងជញ្ជាំងទីក្រុងដែកថែបមួយដែលមិនអាចបំផ្លាញបាន។
ក្រៅពីសកម្មភាពបណ្តុះបណ្តាលស្តីពីការការពារអនាម័យខាងក្នុងក្រុមហ៊ុនហើយ ក្រុមហ៊ុនហ្គោលវែលក៏បានធ្វើការផ្សព្វផ្សាយជាសាធារណៈនូវចំណេះដឹងបង្ការការពារផ្សេងៗផងដែរ ដោយចូលរួមដាស់តឿន និងបង្កើនការយល់ដឹងអំពីការបង្ការការពារជម្ងឺកូវិដ-១៩ ក្នុងជីវិតរស់នៅ និងកន្លែងការងារ ដោយត្រូវពាក់ម៉ាស លាងដៃឲ្យបានញឹកញាប់ ផ្តល់ខ្យល់អាកាសចេញចូលគ្រប់គ្រាន់ កុំប្រមូលផ្តុំគ្នា ដោយចាប់ផ្តើមអនុវត្តពីខ្លួនឯង ដើម្បីផ្តល់សុខសុវត្ថិភាព និងភាពស្ងប់ស្ងាត់សម្រាប់បុគ្គលម្នាក់ៗ ទាំងខ្លួនឯងនិងសង្គម។ ក្រុមហ៊ុនហ្គោលវែលក៏បានអំពាវនាវដល់ប្រជាជនគ្រប់មជ្ឈដ្ឋាន ដើម្បីចូលរួមផ្តល់ភាពកក់ក្តៅដល់ទីក្រុងវូហាន និងចូលរួមកម្លាំងដើម្បីទប់ស្កាត់ការរីករាលដាលនៃជំងឺនេះ។
ទោះនិទាឃរដូវឆ្នាំនេះបានមកយឺតបន្តិចក៏ដោយ ប៉ុន្តែវាគង់នឹងមកដល់ជាមិនខាន។ នៅពេលនិទាឃរដូវត្រឡប់មកដល់ នោះអ្វីៗគ្រប់យ៉ាងនឹងស្រស់បំព្រងឡើងវិញ។ សារមួយច្បាប់សម្រាប់និទាឃរដូវនេះ បាននាំមកនូវពរជ័យ និងក្តីសង្ឃឹមរាប់ពាន់រាប់ម៉ឺន ដែលសង្ឃឹមថាអ្វីៗគ្រប់យ៉ាងនឹងត្រឡប់មកភាពសុខដមរមនាវិញ ហើយក៏សង្ឃឹមថានិទាឃរដូវនឹងមកដល់តាមការរំពឹងទុក។ សូមឲ្យសារមួយច្បាប់នេះ នាំយកនូវក្តីសង្ឃឹម ទៅកាន់ដួងចិត្តរបស់អ្នកដែលកំពុងតស៊ូនៅជួរមុខ។ ចូរយើងទាំងអស់គ្នារួមគ្នាផ្តល់កម្លាំងចិត្តដល់ទីក្រុងអ៊ូហាន និងប្រទេសចិនទាំងមូល!